క్రికెట్ లో కొత్త రికార్డు సృష్టించిన టీమిండియా

క్రికెట్ లో టీమిండియా స‌రికొత్త రికార్డును సృష్టించింది. అంతర్జాతీయ వన్డే క్రికెట్ ఛేజింగ్ లో అత్యధికంగా 300 సార్లు విజయం సాధించిన జట్టుగా టీమిండియా అరుదైన రికార్డు సృష్టించింది. సౌతాఫ్రికాతో రెండో వన్డేలో గెలుపుతో ఈ ఘనత సాధించింది. ఈ దరిదాపుల్లో కూడా ఏ జట్టు లేకపోవడం గమనార్హం. ఆస్ట్రేలియా (257), వెస్టిండీస్ (247) తర్వాతి స్థానాల్లో ఉన్నాయి. ఈ మ్యాచ్ లో టాస్ గెలిచిన పర్యాటక జట్టు తొలుత బ్యాటింగ్ ఎంచుకుంది. నిర్ణీత 50ఓవర్లలో 7 వికెట్ల నష్టానికి 278 పరుగులు చేసింది కేశవ్ మహరాజ్ బృందం.

లక్ష్య ఛేదనకు దిగిన టీమిండియాకు గొప్ప ఆరంభం లభించలేదు. కెప్టెన్ శిఖర్ ధావన్ (13), మరో ఓపెనర్ శుభ్ర్మన్ గిల్ (28) స్థాయికి తగ్గట్లు రాణించలేకపోయారు. ఆ త‌ర్వాత వచ్చిన ఇషాన్ కిష‌న్‌, శ్రేయ‌స్ అయ్య‌ర్ బౌల‌ర్ల‌కు చుక్క‌లు చూపించారు. అయ్య‌ర్ సెంచ‌రీ చేయ‌గా… కిష‌న్ మాత్రం సెంచ‌రీని చేజార్చుకున్నాడు. అయితే నిన్న సాధించిన విజ‌యంతో భార‌త్ కొత్త రికార్డును న‌మోదు చేసింది.