మాస్ మహారాజా రవితేజ క్రాక్ సినిమాతో సూపర్ డూపర్ హిట్ ని అందుకున్నాడు. కాగా ప్రస్తుతం శరత్ మండవ దర్శకత్వంలో రామారావు ఆన్ డ్యూటీ సినిమా చేస్తున్నాడు. దీంతో పాటు రమేష్ వర్మ దర్శకత్వంలో ఖిలాడి సినిమా కూడా చేస్తున్నాడు. అయితే ఈ సినిమా షూటింగ్ కోసం చిత్ర యూనిట్ మొదట దుబాయ్ వెళ్లడానికి సిద్ధమైంది. కానీ ఊహించని రీతిలో ఓ కారణం వల్ల షూటింగ్ మొత్తం వాయిదా పడింది. అసలేం జరిగిందంటే ఖిలాడి సినిమా సాంగ్స్ కొన్ని సన్నివేశాలను దుబాయ్ లో షూట్ చేయాలని దుబాయ్ కాన్సులేట్ కు చిత్ర యూనిట్ అప్లికేషన్లను అప్లై చేసుకుంది. కానీ ఆ అప్లికేషన్స్ ను ఇంకా వారు ఓకే చేయలేదు. దీంతో వీసాలు రాలేదు.
వెయిట్ చేస్తే మరింత ఆలస్యం అవుతుందన్న ఆలోచనతో దర్శక నిర్మాతలు హైదరాబాదులోని ఓ ప్రత్యేకమైన సెట్ ను ఏర్పాటు చేసి షూటింగ్ ను పూర్తి చేయడానికి ప్లాన్ చేస్తున్నారట. ఇక ఆ తర్వాత విడుదల పై క్లారిటీ గా ఇవ్వనున్నారని తెలుస్తోంది.