బాహుబలి సినిమా తర్వాత యంగ్ రెబల్ స్టార్ ప్రభాస్ వరుస పాన్ ఇండియా చిత్రాలను చేస్తున్నాడు. ప్రస్తుతం రాధాకృష్ణ దర్శకత్వంలో రాధే శ్యామ్ సినిమా చేస్తున్నాడు. ఈ సినిమా రిలీజ్ కి సిద్ధంగా ఉంది. అలాగే మరోవైపు కేజీఎఫ్ దర్శకుడు ప్రశాంత్ నీల్ దర్శకత్వంలో సలార్ సినిమా చేస్తున్నాడు. ఈ రెండే కాకుండా బాలీవుడ్ డైరెక్టర్ ఓం రౌత్ దర్శకత్వంలో ఆది పురుష్ సినిమా చేస్తున్నాడు. ఇక ఈ సినిమాలో రాముడిగా ప్రభాస్ కనిపించనున్నాడు.
ఈ మూడింటితో పాటు మహానటి ఫేమ్ నాగ అశ్విన్ దర్శకత్వంలో కూడా ఓ సినిమా చేయబోతున్నాడు. ఈ సినిమా లో ప్రభాస్ సరసన బాలీవుడ్ బ్యూటీ దీపికా పదుకొనే నటించబోతోంది. అలాగే బిగ్ బి అమితాబ్ కూడా నటించబోతున్నారు. ఇదిలా ఉండగా తాజా సమాచారం ప్రకారం ఈ సినిమాకు డైలాగ్స్ ను సాయిమాధవ్ బుర్రా డైలాగ్స్ రాయబోతున్నారట. ఇక భారీ అంచనాల మధ్య తెరకెక్కబోతున్న ఈ చిత్రంపై రోజురోజుకీ ఆసక్తి పెరిగేలా క్యాస్టింగ్ ను కూడా ప్రకటిస్తున్నారు.