పవర్ స్టార్ పవన్ కళ్యాణ్ వకీల్ సాబ్ సినిమాతో పాటు హరిహర వీరమల్లు సినిమా చేస్తున్నాడు. అలాగే దీంతోపాటు మలయాళం సూపర్ హిట్ మూవీ అయ్యప్పనుమ్ కొషియం రీమేక్ లో కూడా చేస్తున్నాడు. ఈ సినిమాలో పవన్ తో పాటు దగ్గుబాటి రానా కూడా నటిస్తున్నాడు. సాగర్ కే చంద్ర దర్శకత్వంలో వస్తున్న ఈ సినిమా కు మాటల మాంత్రికుడు త్రివిక్రమ్ మాటలు అందించడం విశేషం.
ఇప్పటికే ఈ సినిమాకు సంబంధించి విడుదలైన లుక్స్ పవన్ కళ్యాణ్ అభిమానులను విశేషంగా ఆకట్టుకున్నాయి. తాజాగా ఈ చిత్రానికి సంబంధించిన మరో ఫోటో సోషల్ మీడియాలో వైరల్ గా మారింది. ఈ ఫోటోలో పవన్ కళ్యాణ్ బుల్లెట్ పై కూర్చొని కనిపించారు.