మెగా పవర్ స్టార్ రామ్ చరణ్ ప్రస్తుతం ఆర్ఆర్ఆర్ సినిమా చేస్తున్న సంగతి తెలిసిందే. అలాగే ఇటీవల ఆచార్య సినిమా షూటింగ్ ను కూడా పూర్తి చేసుకున్నాడు. ఇదిలా ఉండగా మార్చి 27న రామ్ చరణ్ పుట్టినరోజు. ఈ నేపథ్యంలోనే ఆర్ ఆర్ ఆర్ నుంచి రామ్ చరణ్ కు సంబంధించిన మరో వీడియో రాబోతోందని తెలుస్తోంది. మరోవైపు సంచలన దర్శకుడు శంకర్ దర్శకత్వంలో కూడా రామ్ చరణ్ ఓ సినిమా చేయబోతున్నాడు. ఈ సినిమాకు సంబంధించి కూడా అభిమానుల కోసం ఓ గిఫ్ట్ సిద్ధం చేస్తున్నాడట దర్శకుడు.
ఇక ఎంతో ప్రతిష్టాత్మకంగా తెరకెక్కుతున్న ఈ సినిమా జులై లో సెట్స్ పైకి వెళ్లనుంది. ఈ సినిమా శంకర్ కు 50వ సినిమా కావడం విశేషం. ప్రముఖ నిర్మాత దిల్ రాజు ఈ సినిమాను నిర్మిస్తున్న సంగతి తెలిసిందే.