సౌర‌వ్ గంగూలీకి జెడ్ కేట‌గిరి.. నిర్ణ‌యించిన వెస్ట్ బెంగాల్ స‌ర్కార్

బిసిసిఐ మాజీ అధ్య‌క్షుడు సౌర‌వ్ గంగూలీకి జెడ్ కేట‌గిరి భ‌ద్ర‌త ఇవ్వాల‌ని ప‌శ్చిమ బెంగాల్ ప్ర‌భుత్వం నిర్ణ‌యించింది.కాగా ఆయనకి ఇచ్చిన వై కేటగిరి భద్రత కాలం ఇటీవలే ముగిసిందని ఓ అధికారి తెలిపారు. అనంతరం దీనిపై నిబంధనల ప్రకారం రివ్యూ చేసి ఆయనకి జెడ్ కేటగిరి భద్రత ఇవ్వాలని నిర్ణయం తీసుకున్నట్లు ఆయన తెలిపారు. పరిపాలన స్థాయిలో చర్చల అనంతరం బెంగాల్ ప్రభుత్వం ఈ నిర్ణయం తీసుకున్నట్లు అధికారులు తెలిపారు. గంగూలికి జెడ్ కేటగిరి భద్రత అందుబాటులోకి రాగానే కోల్ క‌త్తాలోని బెహలా ప్రాంతంలో గల ఆయన ఇంటి వద్ద ఇప్పుడు 24 గంటలపాటు ఇద్దరు ప్రత్యేక భద్రత అధికారులు కాపలాగా ఉండనున్నారట‌.