న్యూజిలాండ్తో జరుగుతున్న టీ20లో టీమిండియా డీలాపడింది. నిర్ణీత ఓవర్లలో తొలి టీ20లో ఇండియాపై కివీస్ జట్టు 21 పరుగుల తేడాతో విజయం సాధించింది. తొలుత బౌలింగ్లో భారత్ పర్వాలేదు అనిపించినా, బ్యాటింగ్లో మాత్రం అంతగా రాణించలేకపోయింది. ఓపెనర్లు శుభ్మన్ గిల్, ఇషాన్ కిషన్, ఆ తర్వాత వచ్చిన మరో బ్యాటర్ రాహుల్ త్రిపాఠి ముగ్గురూ ఆకట్టుకోలేకపోయారు. కాగా, కెప్టెన్ హార్దిక్ పాండ్యా, సూర్యకుమార్ మాత్రం తమదైన శైలిలో బౌండరీలు కొడుతూ కొద్దిసేపు ఎంటర్టైన్ చేశారు.
ఇక.. ఆఫ్ సెంచరీకి చేరువలోనే సూర్యకుమార్ (47), అవుటయ్యాడు. ఆ తర్వాత పాండ్యా (21), కూడా పెవిలియన్ చేరాడు. దీంతో తక్కువ పరుగులకే ఇండియా కీలకమైన 5 వికెట్లు కోల్పోయింది. ఆ తర్వాత దీపక్ హుడా (10), శివం మావి (2), కుల్దీప్ (0) అవుటయ్యారు. దీంతో 8 వికెట్ల నష్టానికి ఇండియా 17 ఓవర్లలో 127 పరుగులు మాత్రమే చేసింది. ప్రస్తుతానికి క్రీజులో వాషింగ్టన్ సుందర్ (50), అర్షదీప్, ఉమ్రాన్ మాలిక్ నాటౌట్గా నిలిచారు. అయితే.. న్యూజిలాండ్ బౌలర్ల దాటికి వెను వెంటనే వికెట్లు కోల్పోయినా.. వాషింగ్టన్ సుందర్ భేష్ అనిపించుకున్నాడు.