మేం త‌ల్లిదండ్రులం కాబోతున్నాం.. ద‌ర్శ‌కుడు అట్లీ

త‌మ కుటుంబం పెద్దది అవుతోంద‌ని చెప్పారు త‌మిళ ద‌ర్శ‌కుడు అట్లీ. బేబీబంప్ తో ఉన్న త‌న భార్య ప్రియ ఫోటోల‌ను సోష‌ల్ మీడియాలో షేర్ చేసి తాము త‌ల్లిదండ్రులం అవుతున్నామ‌ని వెల్ల‌డించారు. ఈ శుభవార్తను మీతో పంచుకోవడం నాకెంతో ఆనందంగా ఉంది. ఈ అద్భుతమైన ప్రయాణంలో మీ అందరి ఆశీస్సులు మాకు కావాల‌ని కోరారు. దాంతో సినీ ప్రముఖులు, నెటిజన్లు ఈ దంపతులకు శుభాకాంక్షలు చెబుతున్నారు. ప్రియ నటిగా కొన్ని ధారావాహికల్లో నటించారు. స్నేహితుల ద్వారా పరిచయమైన వీరిద్దరూ కొంతకాలానికే ప్రేమలో పడ్డారు. కుటుంబసభ్యుల అంగీకారంతో 2014లో వివాహ బంధంలోకి అడుగుపెట్టిన సంగ‌తి తెలిసిందే.