తమిళంతోపాటు తెలుగులో మార్కెట్ ఉన్న కొద్ది మంది యాక్ట‌ర్స్‌లో శివకార్తికేయన్ ఒకరు. మడోనా అశ్విన్‌ దర్శకత్వంలో శివకార్తికేయన్ హీరోగా వచ్చిన లేటెస్ట్ మూవీ మహావీరుడు. తమిళ్ లో మహావీరన్ గా వచ్చిన ఈ సినిమా తెలుగులో మహావీరుడు అనే టైటిల్ తో రిలీజ్ అయింది. జులై 14న ప్రేక్షకుల ముందుకు సినిమా.. కోలీవుడ్ లో హిట్ టాక్ తెచ్చుకోగా.. మనదగ్గర కూడా బాగానే ఆడింది.
ఈ సినిమాలో శివకార్తికేయన్ సరసన స్టార్ డైరెక్టర్ శంకర్ కూతురు అదితి శంకర్ హీరోయిన్ గా నటించింది. ఇందులో సునీల్ కీలకపాత్రలో నటించారు. తెలుగులో మంచి టాక్ తెచ్చుకున్న ఈ మూవీ ఓటీటీ స్ట్రీమింగ్ కు రెడీ అయింది. ఈ మూవీ డిజిటల్ రైట్స్ ను ప్రముఖ ఓటీటీ సంస్థ అమెజాన్ ప్రైమ్ సొంతం చేసుకుంది. భారీ ధరకే అమెజాన్ ప్రైమ్ కొనుగోలు చేసినట్లు తెలుస్తోంది. కాగా, వ‌చ్చే నెల (ఆగస్టు) మెుదటి వారంలో ఈ సినిమా స్ట్రీమింగ్ అయ్యే అవకాశాలున్నాయి. ఓటీటీ రిలీజ్ డేట్ పై త్వ‌ర‌లోనే అధికారిక ప్ర‌క‌ట‌న రానుంది.