వైష్ణవ్ తేజ్ ఉప్పెన సినిమాతో సూపర్ డూపర్ హిట్ ని అందుకున్న సంగతి తెలిసిందే. దీంతోపాటు క్రిష్ దర్శకత్వంలో చేస్తున్న మరో సినిమా రిలీజ్ కి సిద్ధంగా ఉంది. అయితే ఈ సినిమాకు సంబంధించిన టైటిల్ ఇంకా ఫిక్స్ కాలేదు. కాగా వైష్ణవ్ తేజ్ తన మూడో సినిమా షూటింగ్ స్టార్ట్ చేశాడు. గిరీశాయ దర్శకత్వంలో ఈ సినిమా తెరకెక్కుతుంది.
కేతికశర్మ ఇందులో హీరోయిన్ గా నటిస్తోంది. ఇందుకు సంబంధించిన అధికారిక ప్రకటన ఇప్పటికే విడుదల చేయగా షూటింగ్ మాత్రం తాజాగా ప్రారంభమైంది. శ్రీ వెంకటేశ్వర సినీ చిత్ర పతాకంపై బీవీఎస్ఎన్ ప్రసాద్ ఈ సినిమాను నిర్మిస్తున్నారు. అలాగే దేవీశ్రీ ప్రసాద్ సంగీతం అందిస్తున్నారు.