సుకుమార్ దర్శకత్వంలో స్టైలిష్ స్టార్ అల్లు అర్జున్ హీరోగా పుష్ప సినిమా తెరకెక్కుతున్న సంగతి తెలిసిందే. గంధపు చెక్కల స్మగ్లింగ్ నేపథ్యంలో తెరకెక్కుతున్న ఈ సినిమాలో లారీ డ్రైవర్ పుష్ప రాజ్ గా అల్లు అర్జున్ కనిపించబోతున్నాడు. అలాగే ఈ సినిమాలో రష్మిక మందన్న హీరోయిన్ గా నటిస్తోంది. అలాగే మలయాళ స్టార్ నటుడు గా ఫహాద్ ఫాజిల్ విలన్ గా కనిపించబోతున్నారు. ఇక ఇప్పటికే ఈ సినిమాకు సంబంధించి విడుదలైన టీజర్ ప్రేక్షకులను విశేషంగా ఆకట్టుకుంది.
మరోవైపు దేవిశ్రీ ప్రసాద్ సంగీతం ఈ సినిమాకు అందిస్తున్న సంగతి తెలిసిందే. ఇదిలా ఉండగా ఈ సినిమాకు సంబంధించి ఓ లిరికల్ వీడియోను వదలడానికి దర్శక నిర్మాతలు రెడీ అవుతున్నారట. అయితే అందుకు సంబంధించి ముహూర్తాన్ని ఇంకా ఫిక్స్ చేసుకోలేదట. కానీ త్వరలోనే ఫస్ట్ లిరికల్ వీడియో సాంగ్ రాబోతుందట. మరి చూడాలి అది ఎప్పుడు వస్తుందో ఎలా ఉంటుందో.