హిట్లు, ఫ్లాపులతో సంబంధం లేకుండా వరుసగా సినిమాలు చేస్తున్నాడు టాలీవుడ్ యంగ్ హీరో నితిన్. ఇటీవల రంగ్ దే సినిమాతో ప్రేక్షకుల ముందుకు వచ్చిన నితిన్ మాస్ట్రో సినిమా చేస్తున్నాడు. ఈ సినిమా తరువాత మరో సినిమాను కూడా స్టార్ట్ చేయడానికి రెడీగా ఉన్నాడు నితిన్. ఈ సినిమా వక్కంతం వంశీ దర్శకత్వంలో చేయబోతున్నట్లు తెలుస్తోంది.
వక్కంత వంశీ మొదట అల్లు అర్జున్ హీరోగా నా పేరు సూర్య సినిమా చేశాడు. ఈ సినిమా బాక్సాఫీస్ వద్ద బోల్తా కొట్టింది. అయితే తాజాగా వంశీ నితిన్ కు స్క్రిప్ట్ ను వినిపించారట. అంతేకాకుండా ఈ సినిమాతో హిట్ కొడతాననే నమ్మకంతో కూడా వంశీ ఉన్నారట. కరోనా తగ్గిన తర్వాత ఈ ఏడాది చివరలో ఈ సినిమాను ప్రారంభించే అవకాశం ఉన్నట్లు తెలుస్తోంది.