కేరళలో నిన్న అర్ధరాత్రి రోడ్డు ప్రమాదం జరిగింది. ఇందులో తొమ్మిది మంది ప్రాణాలు కోల్పోయారు. మరో 35 మందికి తీవ్ర గాయాల‌య్యాయి. పాలక్కాడ్‌లోని వడక్కంచేరిలో ఈ ఘటన జరిగింది. విద్యార్థులతో కూడిన ఓ టూరిస్టు బస్సు కేరళ ఆర్టీసీ బస్సును వెనక నుంచి బలంగా ఢీకొట్టింది. ఈ ప్రమాదంలో ఐదుగురు విద్యార్థులు, ఓ టీచర్, ముగ్గురు కేఎస్‌ఆర్టీసీ ప్రయాణికులు చ‌నిపోయారు. తీవ్రంగా గాయపడిన మరో 35 మందిని ఆసుపత్రికి త‌ర‌లించారు.
ఎర్నాకుళం జిల్లాలోని బేసెలియస్ విద్యానికేతన్‌కు చెందిన విద్యార్థులు, టీచర్లు విహార యాత్ర కోసం తమిళనాడులోని ఊటీ వెళ్తున్నారు. అదేవిధంగా కేఎస్ ఆర్టీసీ బస్సు కోయంబత్తూరు వెళ్తుండగా ఈ ఘటన జరిగింది. దీనికి సంబంధించి మరిన్ని వివరాలు తెలియాల్సి ఉంది. గాయపడిన వారిలో మరో 12 మంది పరిస్థితి విషమంగా ఉన్నట్టు తెలుస్తోంది.