వరంగల్‌లో రైల్ కోచ్ ఫ్యాక్టరీ ఏర్పాటు చేస్తామన్న హామీని కేంద్ర ప్ర‌భుత్వం నిలబెట్టుకోలేకపోయినా, తమకు దేశంలోనే అతిపెద్ద ప్రైవేట్ సెక్టార్ రైల్ కోచ్ ఫ్యాక్టరీ ఏర్పాటు కాబోతుందని మంత్రి కె.టి.రామారావు పేర్కొన్నారు. ఈ మేరకు కేటీఆర్ ఆదివారం ట్వీట్ చేశారు. మేధా గ్రూప్‌చే ఏర్పాటు చేసిన దేశంలోని అతిపెద్ద ప్రైవేట్ రైలు కోచ్ ఫ్యాక్టరీలలో ఒకటి హైదరాబాద్ శివారులోని కొండకల్‌లో త్వరలో ప్రారంభోత్సవానికి సిద్ధంగా ఉందని ట్వీట్ చేశారు మంత్రి కేటీఆర్.
తెలంగాణ త్వరలో రైలు కోచ్‌లను తయారు చేసి రవాణా చేయబోతున్నందుకు గర్వంగా ఉందన్నారు. ఇది జరిగేలా చేసిన యుగంధర్ రెడ్డికి, అతని టీమ్‌కి హృదయపూర్వక ధన్యవాదాలు తెలిపారు. ప్రారంభానికి సిద్ధంగా ఉన్న మేథా స ర్వో డ్రైవ్స్ రైల్ కోచ్ ఫ్యాక్టరీ ఫొటోలను ట్విట్టర్‌లో షేర్ చేశారు.