తెలంగాణ రాష్ట్రంలో పెద్ద ఎత్తున స్వాతంత్ర్య దినోత్సవ కార్యక్రమాలు నిర్వహించడానికి సన్నాహాలు జరుగుతున్నాయి. అందులో భాగంగా ఇవ్వాల (మంగళవారం) సీఎం కేసీఆర్ అధ్యక్షతన ప్రగతిభవన్లో సమావేశం జరుగుతోంది. స్వాతంత్ర్య భారత వజ్రోత్సవ ‘‘ద్విసప్తాహం’’ పేరుతో ఈ కార్యక్రమాలు నిర్వహించేందుకు ప్రభుత్వం సన్నద్ధమవుతోంది. దీనిపై ఇప్పటికే ఓ కమిటీని కూడా ఏర్పాటు చేశారు. కాగా, కె.కె.కమిటీతో నిర్వహిస్తున్న ఈ భేటీలో సీఎం కేసీఆర్ పలు అంశాలపై సమీక్ష జరుపుతున్నారు. ఈ సమావేశంలో పలువురు మంత్రులు, ఎంపీలు, ఎమ్మెల్సీలు, ఎమ్మెల్యేలు పాల్గొన్నారు.
