ఎన్‌కౌంటర్‌.. ముగ్గురు మావోయిస్టులు మృతి..

పోలీసులు, మావోయిస్టులకు మధ్య జ‌రిగిన‌ ఎదురుకాల్పుల్లో ముగ్గురు మావోయిస్టులు మృతిచెందిన ఘ‌ట‌న‌ ఛత్తీస్‌గఢ్‌లోని బీజాపూర్‌ జిల్లాలో చోటుచేసుకున్నాయి. బీజాపూర్‌లోని పెమెరా అటవీ ప్రాంతంలో సీఆర్‌పీఎఫ్‌, డీఆర్‌జీ, ఎస్‌టీఎఫ్‌ జవాన్లు సంయుక్తంగా మావోయిస్టుల కోసం గాలింపు చేపట్టారు. ఈ క్రమంలో ఇరుపక్షాలకు మధ్య ఎదురుకాల్పులు జరిగాయని, పోలీసుల కాల్పుల్లో ముగ్గురు మావోయిస్టులు చనిపోయారని బీజాపూర్‌ ఎస్పీ ఆంజనేయ వర్షిణి తెలిపారు. ఘటనా స్థలంలో లభించిన ఆయుధాలు స్వాధీనం చేసుకున్నామని చెప్పారు.