అయ్యో.. అయ్యయ్యో.. ప్రాణం తీసిన డంబెల్స్

రంగారెడ్డి జిల్లా యాచారం మండలంలో విషాదం చోటు చేసుకుంది. వ్యాయామం చేస్తుండగా డంబెల్స్‌ మీదపడి యువకుడు మృతిచెందిన ఘటన మండల పరిధిలోని నక్కర్తమేడిపల్లి గ్రామంలో చోటుచేసుకుంది. యూపీకి చెందిన ఫిరోజ్‌ (19) స్థానికంగా ఓ కంపెనీలో ఉద్యోగం చేస్తూ అక్కడే నివసిస్తున్నాడు. అతడి నిత్యం ఉదయం వ్యాయామం చేసే అలవాటు ఉంది. ఈ క్రమంలో రోజూ మాదిరిగానే శుక్రవారం కూడా వ్యాయామం చేస్తుండగా ప్రమాదవశాత్తూ డంబెల్స్‌ మీదపడి అక్కడిక్కడే మృతి చెందాడు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ లింగయ్య తెలిపారు.