ప్రముఖ ఫుడ్‌ డెలివరీ సంస్థ స్విగ్గీ ఆదాయాన్ని పెంచుకునేందుకు పలు మార్గాలను అన్వేషిస్తోంది. ఇందులో భాగంగా కొత్తగా వచ్చే ఆర్డర్ల నుంచి ప్లాట్‌ఫామ్‌ ఫీజు వసూలు చేయాలని నిర్ణయించింది. విలువతో సంబంధం లేకుండా ఆర్డర్‌పై 2 రూపాయల చొప్పున ప్లాట్‌ఫామ్‌ ఫీజు వసూలు చేయనుంది. ప్రస్తుతానికి ఫుడ్‌ ఆర్డర్స్‌కు ఎంపిక చేసిన ప్రాంతాల్లోనే వసూలు చేస్తోంది. స్విగ్గీ ఇన్‌స్టామార్క్‌లో ఇచ్చే ఆర్డర్లకు ఈ ఫీజు వసూలు చేయడంలేదు.
ప్లాట్‌ఫామ్‌ ఫీజును హైదరాబాద్‌, బెంగళూర్‌ వంటి నగరాల్లో ఫుడ్‌ డెలివరీలకు ఛార్జీలు వసూలు చేస్తున్నది. రానున్న రోజుల్లో అన్ని ప్రాంతాల్లోనూ ఫుడ్‌ ఆర్డర్లకు ప్లాట్‌ఫామ్‌ ఫీజు వసూలు చేయనుంది. దీంతో పాటు ఇన్‌స్టామార్ట్‌ ఆర్డర్లకు కూడా ఈ ఫీజు వసూలు చేయాలని స్విగ్గీ భావిస్తోంది. ఆదాయాన్ని పెంచుకునేందుకు కొంతమేర ఈ ఫీజు ఉపయోగపడుతుందని సి ్వగ్గీ ప్రతినిధి ఒరు తెలిపారు. యాప్‌ను ఉపయోగించిన్పుడు ఆ ప్లాట్‌ఫామ్‌కు చెల్లించే ఫీజు ఇది. 2రూపాయలు చిన్న మొత్తమే అయినప్పటికీ, స్విగ్గీలో ప్రస్తతం రోజుకు 15 లక్షల వరకు ఫుడ్‌ డెలివరీలు చేస్తోంది. ఈ లెక్కన స్విగ్గీకి ప్లాట్‌ఫామ్‌ ఫీజు మూలంగా భారీగానే ఆదాయం సమకూరే అవకాశం ఉందని ఇండస్ట్రీ వర్గాలు అభిప్రాయపడుతున్నాయి.
స్విగ్గీ ఇన్‌స్టామార్ట్‌ కోసం నియామకాలు..
స్విగ్గీ ఇన్‌స్టామార్ట్‌ సేవల కోసం ఈ సంవత్సరం 10 వేల మంది సిబ్బందిని తాత్కాలికంగా నియమించుకోనుంది. ఇందు కోసం ఉద్యోగులు, వృత్తి నిపుణుల నెట్‌వర్కింగ్‌ సంస్థ అప్నాతో భాగస్వామ్యం కుదుర్చుకుంది. ప్రధానంగా ద్వితీయ, తృతీయ శ్రేణి నగరాల్లో ఈ నియామకాలు ఉంటాయని స్విగ్గీ తెలిపింది. ఈ నగరాల్లో డెలివరీ సిబ్బందిని పెంచుకోవడం ద్వారా మరింత మార్కెట్‌ వాటాను సాధించాలని సంస్థ భావిస్తోంది. స్విగ్గీలో నిత్యావసరాలను డెలివరీ చేసే ప్లాట్‌ఫామ్‌ ఇన్‌స్టామార్ట్‌. గ్రోసరీస్‌ విభాగంలో మార్కెట్‌లో నిలదొక్కుకునేందుకు స్విగ్గీ కొన్ని రోజులుగా గట్టి ప్రయత్నాలు చేస్తోంది.