యంగ్ హీరోల్లో రాజ్ తరుణ్‌కు మంచి క్రేజ్ ఉంది. కెరీర్ స్టార్టింగ్‌లో ఉయ్యాల జంపాల, సినిమా చూపిస్తా మామ, కుమారి 21F చిత్రాలతో వరుస హిట్లు అందుకున్నాడు. తాజాగా రాజ్ తరుణ్ హీరోగా ‘స్టాండప్ రాహుల్’ అనే సినిమా తెరకెక్కుతోంది. ఈ మూవీ టీజర్‌ను శుక్రవారం నాడు హీరో రానా చేతుల మీదుగా చిత్ర బృందం విడుదల చేసింది. ఈ సినిమాతో సంతూ మోహన్ దర్శకుడిగా పరిచయమవుతున్నాడు. వర్ష బొల్లమ్మ కథానాయికగా నటించిన ఈ సినిమాకి, స్వీకర్ అగస్తి సంగీతాన్ని అందించాడు.
ఈ మూవీలో డిఫరెంట్ లుక్‌తో రాజ్ తరుణ్ కనిపిస్తున్నాడు. ముఖ్యమైన పాత్రల్లో ఇంద్రజ, మురళీ శర్మ నటించారు. కాగా ఇటీవల రాజ్‌తరుణ్ నటించిన సినిమాలు బాక్సాఫీస్ దగ్గర బోల్తా కొట్టాయి. ఇద్దరి లోకం ఒక్కటే, ఒరేయ్ బుజ్జిగా, పవర్ ప్లే సినిమాలు నిరాశపరచడంతో ఈ మూవీతో బంపర్ హిట్ కొట్టాలని రాజ్ తరుణ్ ఆరాటపడుతున్నాడు. త్వరలోనే ఈ మూవీ థియేటర్లలో విడుదల కానుంది.
ఈ వార్త కూడా చదవండి: మిల్కీ బ్యూటీ డ్యాన్స్ చూస్తే మతి పోవాల్సిందే