ప్ర‌ముఖ స్మార్ట్ ఫోన్ కంపెనీ వన్ ప్లస్ నుండి వన్ ప్లస్ 11ఆర్ ఈ ఏడాది ఫిబ్రవరిలో లాంచ్ అయింది. క్వాల్కామ్ స్నాప్ డ్రాగన్ 8 ప్లస్ జెన్-1, 5జీ ఎస్ఓసీ, 5,000 ఎంఏహెచ్ బ్యాటరీ, 100 వాట్స్ సూపర్ వూక్ ఎస్ ఫ్లాష్ ఫాస్ట్ ఛార్జింగ్ సపోర్ట్ వంటి ఫీచర్లతో ఈ స్మార్ట్ ఫోన్ ఇండియ‌న్ మార్కెట్ లోకి ఎంట్రీ ఇచ్చింది.
కాగా, 11 ఆర్ కు కొనసాగింపుగా వన్ ప్లస్ 12 ఆర్ ను రిలీజ్ చేయనుంది కంపెనీ. వచ్చే ఏడాది (2024) జనవరిలో చైనాలో ఈ ఫోన్ ని రిలీజ్ చేసే చాన్స్ ఉంది. అయితే ఈ అప్ క‌మింగ్ స్మార్ట్ ఫోన్ కి సంబంధించిన ఫీచర్లు సామాజిక మాధ్యమాల్లో వైరల్ గా మారాయి. మరి వీటి ప్రకారం వన్ ప్లస్ 12 ఆర్ 5జీ స్పెసిఫికేషన్లు ఎలా ఉండబోతున్నాయో చూద్దాం..
లీక్డ్ ఫీచర్స్ & స్పెసిఫికేషన్స్..
- 6.7 అంగుళాల ఫుల్ హెచ్ డీ ప్లస్ 1.5కే ఓఎల్ఈడీ డిస్ ప్లే విత్ 120 హెడ్జ్ రీఫ్రెష్ రేట్ తో ఈ ఫోన్ వచ్చే అవకాశముంది.
- 11ఆర్ తో పోల్చితే కాస్త కర్వ్డ్ డిస్ ప్లేతో 12 ఆర్ రానున్నుట్లు తెలుస్తోంది.
- ఆండ్రాయిడ్ 14 ఆధారిత ఆక్సీజన్ ఓఎస్ 14 ఉండనుంది.
- ఆక్టా కోర్ 4ఎన్ఎం స్నాప్ డ్రాగన్ 8 జెన్ 2 ఎస్ఓసీ విత్ అడ్రెనో 740 జీపీయూతో వన్ ప్లస్ 12 ఆర్ రూపొందనుంది.
- 16 జీబీ LPDDR5 ర్యామ్, 256 జీబీ ఇన్ బిల్ట్ స్టోరేజీ ఉండనుంది.
- ట్రిపుల్ రియర్ కెమెరా సెటప్ లో 50 మెగా పిక్సెల్ ప్రైమరీ సెన్సార్ కెమెరా విత్ ఆప్టికల్ ఇమేజ్ స్టెబిలైజేషన్, 8 మెగాపిక్సెల్ అల్ట్రా వైడ్ లెన్స్, 32 మెగా పిక్సెల్ సెన్సార్ విత్ 2x ఆప్టికల్ జూమ్ ఎనేబుల్డ్ లెన్స్ వంటి ఫీచర్లుంటాయి.
- ఇక ఫ్రంట్ కెమెరా విషయానికొస్తే 16 మెగా పిక్సెల్ గా ఉండనుంది.
- బ్యాటరీ సామర్థ్యం కూడా 5,500 ఎంఏహెచ్ కు పెరగనుంది. 100 వాట్స్ సూపర్ వూక్ ఫాస్ట్ ఛార్జింగ్ సపోర్ట్ ఉండనుంది.
- ఇన్ డిస్ ప్లే ఫింగర్ ప్రింట్ స్కానర్ తో ఫోన్ కు పటిష్ట భద్రత ఉండనుంది.
- ఇక ధర, కలర్ వేరియంట్ల గురించి స్పష్టమైన సమాచారం లేదు. ప్రస్తుతం భారత్ లో వన్ ప్లస్ 11ఆర్ ప్రారంభ ధర రూ. 39,999 గా ఉంది. దీంతో 12 ఆర్ ప్రారంభ ధర దీనితో పోల్చితే ఇంకా ఎక్కువగానే ఉండే అవకాశముంది.