Thursday, February 2, 2023

ఒడిశా మాజీ ముఖ్య‌మంత్రి గిరిధ‌ర్ గ‌మాంగ్ బిజెపికి రాజీనామా – బి ఆర్ ఎస్ పార్టీ వైపు చూపు

భువ‌నేశ్వ‌ర్ : ఒడిశా రాష్ట్ర మాజీ ముఖ్య‌మంత్రి గిరిధ‌ర్ గ‌మాంగ్ బీజేపీకి రాజీనామా చేశారు. తన రాజీనామా లేఖను బీజేపీ జాతీయ అధ్య‌క్షుడు జేపీ న‌డ్డాకు గిరిధ‌ర్ పంపారు. కాగా ఇటీవ‌ల హైద‌రాబాద్ వ‌చ్చిన గిరిధ‌ర్ గ‌మాంగ్ బిఆర్ఎస్ పార్టీ అధ్య‌క్షుడు , తెలంగాణ ముఖ్య‌మంత్రి కెసిఆర్ ను క‌లిశారు.. అప్ప‌డు ఆయ‌న ఒడిశా లో బి ఆర్ ఎస్ పార్టీ ఏర్పాటు చేయ‌నున్న‌న‌ట్లు త‌న మ‌న‌సులోని మాట‌ను చెప్పారు. తాజాగా ఆయ‌న బిజెపిలోని అన్నిప‌ద‌వుల‌కు రాజీనామా చేశారు.

- Advertisement -
   

కాగా, గిరిధ‌ర్ గమాంగ్ రాజ‌కీయ జీవితం ప‌రిణామ క్ర‌మాన్నిప‌రిశీలించిన‌ట్లుయితే కాంగ్రెస్ పార్టీతో రాజ‌కీయ ప్ర‌స్థానం ప్రారంబించి సొంతరాష్ట్రం నుంచి 9 పర్యాయాలు పార్లమెంట్‌కు ఎన్నికయ్యారు. 1972 నుంచి 2004 దాకా వరుసగా కోరాపుట్‌, లక్ష్మీపూర్‌ స్థానాల నుంచి లోక్‌సభకు ఎన్నికయ్యారు. 1999 ఫిబ్రవరి 17 నుంచి డిసెంబర్‌ 6 వరకు సుమారు 10 నెలలపాటు ఒడిశా ముఖ్యమంత్రిగా పనిచేశారు. 2015 వ‌ర‌కు కాంగ్రెస్ పార్టీలో కీల‌క‌నేత‌గా ఉన్నాయ‌న ఆ త‌ర్వాత‌ భార‌తీయ జ‌న‌తా పార్టీలో చేరారు. అలాగే ఆయ‌న కుమారుడు శిశిర్ గ‌మాంగ్ కూడా బీజేపీకి రాజీనామా చేశారు. త్వ‌ర‌లోనే వీరిద్ద‌రూ బీఆర్ఎస్ పార్టీలో చేర‌నున్నారు.

Advertisement

తాజా వార్తలు

Advertisement