ఉక్రెయిన్​ నుంచి స్వదేశానికి 377 మంది తెలంగాణా విద్యార్థులు

న్యూఢిల్లీ, ఆంధ్రప్రభ : ఉక్రెయిన్‌లో చిక్కుకున్న భారతీయ విద్యార్థులు విడతల వారీగా పొరుగు దేశాల నుంచి స్వస్థలాలకు చేరుకుంటున్నారు. ఇందులో భాగంగా ఫిబ్రవరి 26వ తేదీ నుంచి శుక్రవారం రాత్రి 8 గంటల వరకు 47 ప్రత్యేక విమానాల్లో 377 మంది తెలంగాణా విద్యార్థులు ఢిల్లీ, ముంబైకి వచ్చారు. ఎయిర్‌పోర్టులలో దిగిన వారిని స్వస్థలాలకు చేర్చేలా తెలంగాణా ప్రభుత్వం ఢిల్లీ, ముంబైలలో ఏర్పాట్లు చేసింది. విమానాలలో హైదరాబాద్ తరలించి అక్కణ్నుంచి సొంత ఊళ్లకు పంపిస్తున్నారు.