రాగం : రేవతి
ఏడవలపేడ మచ్చి కేడ సుద్దులు
ఆడుకొన్నమాటలల్లె నవి నిజాలా||
తొలుకారు మఱుపులు తోచి పోవుగాక
నెలకొని మింట నవి నిలిచీనా
పొలతులవలపులు పొలసిపోవుగాక
కలకాలంబవి కడతేరీనా||
యెండమావులు చూడ నేరులై పారుగాక
అండకుపోవ దాహమణగీనా
నిండినట్టి మోహము నెలతలమది చూడ
వుండినట్టే వుండుగాక వూతయ్యీనా||
కలలోని సిరులెల్ల కనుకూర్కులేకాక
మెలకువ చూడ నవి మెరసీనా
అలివేణుల మేలు ఆసపాటేకాక
తలపు వేంకటప తి తగిలీనా||