రాగం : రంజని
ఏమి చెప్పేది యీశ్వర మాయలు
దీము ప్రతిమకును త్రిజగము కలిగే||
మల మూత్రంబుల మాంసపు ముద్దకు
కులగోత్రంబుల గురి కలిగే
తొలులు తొమ్మిదగు తోలు తిత్తికిని
పిలువగ పేరును పెంపును కలిగే||
నెత్తురు నెమ్ముల నీరు బుగ్గకును
హత్తిన కర్మములటు కలిగే
కొత్త వెంట్రుకల గుబురుల గంతికి
పొత్తల సంసార బోగము కలిగే ||
నానా ముఖముల నరముల పిడుచకు
పూని సిగ్గుల భువి కలిగే
ఆనుక శ్రీ వేంకటాధిపు డేలగ
దీనికి ప్రాణము తిరముగ కలిగే||