పవర్ పవన్ కళ్యాణ్ రీ ఎంట్రీ తర్వాత వరుస సినిమాలను లైన్ లో పెడుతున్న సంగతి తెలిసిందే. ఇటీవల వేణు శ్రీరామ్ దర్శకత్వంలో వచ్చిన వకీల్ సాబ్ సినిమాతో ప్రేక్షకుల ముందుకు వచ్చాడు పవన్. ఈ చిత్రం బాక్సాఫీస్ వద్ద ఘన విజయం సాధించింది. ప్రస్తుతం హరిహర వీరమల్లు, అయ్యప్పనుమ్ కొషియమ్ రీమేక్ చిత్రాల లో నటిస్తున్నాడు పవన్. అలాగే గబ్బర్ సింగ్ డైరెక్టర్ హరీష్ శంకర్ దర్శకత్వంలో కూడా ఓ సినిమా చేయబోతున్నాడు.
ఇదిలా ఉండగా లేటెస్ట్ గా పవన్ కళ్యాణ్ పూరి జగన్నాథ్ తో ఓ సినిమా చేయబోతున్నారు అంటూ వార్తలు వచ్చాయి. అయితే తాజా సమాచారం ప్రకారం ఈ కాంబినేషన్ లో ఎలాంటి సినిమాలు లేదట. ఇదే విషయాన్ని పూరి సన్నిహితులు కూడా చెబుతున్నట్లు సమాచారం. కాగా గతంలో పూరీ పవన్ కళ్యాణ్ కెమెరామెన్ గంగతో రాంబాబు, బద్రి సినిమాతో ప్రేక్షకుల ముందుకు వచ్చారు.