దర్శక ధీరుడు రాజమౌళి దర్శకత్వంలో యంగ్ టైగర్ ఎన్టీఆర్ మెగా పవర్ స్టార్ రామ్ చరణ్ హీరోగా తెరకెక్కుతున్న చిత్రం ఆర్ ఆర్ ఆర్. భారీ అంచనాల మధ్య తెరకెక్కుతున్న ఈ చిత్రంలో కొమరం భీంగా యంగ్ టైగర్ ఎన్టీఆర్, అల్లూరి సీతారామరాజు గా మెగాపవర్ స్టార్ రామ్ చరణ్ నటిస్తున్నారు. ఇక ఇప్పటికే ఈ సినిమాకు సంబంధించి విడుదలైన లుక్స్, టీజర్ ప్రేక్షకులను విశేషంగా ఆకట్టుకున్నాయి. అయితే ఈ సినిమాకు సంబంధించిన పోస్టర్ తో ఎన్టీఆర్ ఓ అరుదైన రికార్డును క్రియేట్ చేశాడు.
2020 మే నెలలో రిలీజ్ అయిన కొమరం భీం పోస్టర్ కు ట్విట్టర్ లో మొత్తం రెండు లక్షలకు పైగా కామెంట్లు వచ్చాయి. తెలుగు హీరోల పోస్టర్ కి కూడా ఈ స్థాయిలో కామెంట్లు రాలేదు. దీంతో ఎన్టీఆర్ సరికొత్త రికార్డును క్రియేట్ చేశాడు. ఇక ఇదే విషయమై ఎన్టీఆర్ ఫ్యాన్స్ సోషల్ మీడియా వేదికగా సెలబ్రేషన్స్ చేసుకుంటున్నారు.