పవర్ స్టార్ పవన్ కళ్యాణ్ హీరోగా వేణు శ్రీరామ్ దర్శకత్వంలో ప్రేక్షకుల ముందుకు వచ్చిన చిత్రం వకీల్ సాబ్. భారీ అంచనాల మధ్య పవన్ కళ్యాణ్ హీరోగా లాంగ్ గ్యాప్ తరువాత వచ్చిన చిత్రం కావడంతో ఈ సినిమాకు విపరీతమైన క్రేజ్ ఏర్పడింది. ఆ క్రేజ్ కు ఏమాత్రం తగ్గకుండా చిత్రం కూడా మంచి విజయం సాధించింది. ఇక ఈ సినిమాలో శృతి హసన్ హీరోయిన్ గా నటించగా.. అంజలి, అనన్య, నివేద థామస్ కీలక పాత్రలో నటించారు.
ఇదిలా ఉండగా ఈ సినిమా విజయం సాధించడంలో ముఖ్య పాత్ర థమన్ కు కూడా ఉందని చెప్పాలి. సినిమా పాటలు బ్యాక్ గ్రౌండ్ మ్యూజిక్ తో అదరగొట్టాడు థమన్. అయితే ఈ సినిమాకు సంబంధించి ఒరిజినల్ బ్యాక్ గ్రౌండ్ స్కోర్ ను విడుదల చేయనున్నట్లు కన్ఫామ్ చేశారు. దీనికోసం మ్యూజిక్ లవర్స్ కూడా ఎప్పటినుంచో ఎదురుచూస్తున్నారు. అయితే ఇది ఎప్పుడు విడుదల చేస్తారో చూడాలి. ఈ చిత్రాన్ని దిల్ రాజు నిర్మించిన సంగతి తెలిసిందే.