యంగ్ టైగర్ ఎన్టీఆర్ త్రివిక్రమ్ దర్శకత్వంలో ఓ సినిమా రాబోతున్నట్లు ప్రకటించిన సంగతి తెలిసిందే. అయితే ఈ సినిమా ఆగిపోయింది అంటూ గత కొన్ని రోజులుగా వార్తలు వస్తున్నాయి. ప్రస్తుతం ఆర్ఆర్ఆర్ సినిమా చేస్తున్న ఎన్టీఆర్ ఈ సినిమా తర్వాత కొరటాల శివతో సినిమా చేయబోతున్నాడని టాక్ వచ్చింది. ఈ నేపధ్యంలో నే త్రివిక్రమ్ తో సినిమా ఆగిపోయిందని అందరూ అనుకున్నారు. కానీ నిజానికి ఆ సినిమా ఆగిపోలేదట. రాజకీయాల నేపథ్యంలో తెరకెక్క బోతున్న ఈ సినిమాలో రాజకీయా నాయకుల కారణంగా ప్రజలు ఎలాంటి ఇబ్బందులు పడుతున్నారనే విషయాన్ని చెబుతూ త్రివిక్రమ్ ఈ సినిమాని తీయబోతున్నట్లు తెలుస్తోంది.
ఇక మరోవైపు ఆరు సినిమాలతో వరుస సక్సెస్ లను అందుకుని జోరుమీదున్న ఎన్టీఆర్ తో త్రివిక్రమ్ సినిమా అంటే అంచనాలు ఒక్కసారిగా పెరిగిపోయాయి. ఇదిలా ఉండగా ఈ సినిమాలో ఇద్దరు హీరోయిన్ లకు అవకాశం ఉండగా అందులో ఒకరు బాలీవుడ్ బ్యూటీ జాన్వీ కపూర్ ను తీసుకోవాలనే ఆలోచనలో ఉన్నట్లు కూడా తెలుస్తోంది. అయితే దీనిపై ఇప్పటివరకు ఎటువంటి అధికారిక ప్రకటన మాత్రం విడుదల చేయలేదు.