హిట్, ఫ్లాప్ లతో సంబంధం లేకుండా వరుసగా సినిమాలు చేస్తున్నాడు నందమూరి కళ్యాణ్ రామ్. ఇటీవల ఎంత మంచి వాడవురా సినిమాతో ప్రేక్షకుల ముందుకు వచ్చిన కళ్యాణ్ రామ్ హిట్ ను అందుకోలేకపోయాడు. అయితే ఆ వెంటనే మరో సినిమాని కూడా స్టార్ట్ చేశాడు. కానీ దానిపై ఇప్పటివరకు ఎటువంటి అధికారిక ప్రకటన కూడా విడుదల చేయలేదు. కాగా ఈ రోజు ఎన్టీఆర్ 98 వ పుట్టినరోజు సందర్భంగా తన కొత్త సినిమాను అనౌన్స్ చేశారు.
టైటిల్ తో పాటు మోషన్ పోస్టర్ ని రిలీజ్ చేశారు. పిరియాడికల్ బ్యాక్ డ్రాప్ లో తెరకెక్కుతున్న ఈ సినిమాలో కళ్యాణ్ రామ్ బింబిసార పాత్ర లో కనిపించబోతున్నారు. బాహుబలి లెవల్ లో శత్రు సంహారం చేసిన యోధుడిలా ఇందులో ఇందులో కనిపిస్తున్నారు. కాగా ఈ సినిమాను మగధీర మాదిరి పునర్జన్మల నేపథ్యంలో తెరకెక్కించారా లేక…ఇంకేమైనా ఉందా అనేది తెలియాల్సి ఉంది. మొత్తంగా ఈ సినిమా టైటిల్‌తో పాటు మోషన్ పోస్టర్ అందరిని ఆకట్టుకుంటుంది. .
