రాజా రాణి హీరోయిన్ నజ్రియా గురించి తెలుగు సినీ ప్రేక్షకులకు పరిచయం అక్కర్లేదు. ప్రస్తుతం ఈ అమ్మడు అంటే సుందరానికి సినిమా షూటింగ్ లో పాల్గొంటోంది. ఈ సినిమాకి సంబంధించిన షూటింగ్ ప్రస్తుతం హైదరాబాద్ లో జరుగుతోంది. నాచురల్ స్టార్ నాని హీరోగా తెరకెక్కుతున్న ఈ చిత్రంలో నజ్రియా హీరోయిన్ గా నటిస్తోంది. మైత్రి మూవీ మేకర్స్ బ్యానర్ పై తెరకెక్కుతున్న ఈ సినిమాను వివేక్ ఆత్రేయ దర్శకత్వం వహిస్తున్నాడు.
ఇదిలా ఉండగా ఈ సినిమాపై నజ్రియా కొన్ని ఆసక్తికర వ్యాఖ్యలు చేశారు. నా ఫస్ట్ తెలుగు మూవీ కోసం చాలా ఎగ్జైటింగ్ గా వెయిట్ చేస్తున్నాను. ఈ రోజు నా తొలి తెలుగు సినిమా షూటింగ్ మొదలు పెట్టాను. ఫస్ట్ చేసే పని ఏదైనా స్పెషల్ గా ఉంటుంది. కాబట్టి అంటే సుందరానికి నాకు చాలా స్పెషల్ అంటూ సోషల్ మీడియా వేదికగా చెప్పుకొచ్చింది నజ్రియా