ప్రశాంత్, మీనల్ లను హీరో హీరోయిన్లుగా పరిచయం చేస్తూ నూతన దర్శకుడు గోపాల కృష్ణ దర్శకత్వంలో లక్కీఫేస్‌ ఎంటర్టైన్‌మెంట్‌ బ్యానర్‌ పై నిర్మాత కమలాకర్‌ రాచకొండ నిర్మిస్తున్న ప్రొడక్షన్ నంబర్ 1 రంగు బొమ్మల కథ చిత్రం హైదరాబాద్‌, ఫిల్మ్‌నగర్‌ కల్చరల్‌ సెంటర్‌లో పూజా కార్యక్రమాలతో షూటింగ్‌ ప్రారంభమైంది. ముందుగా దైవ సన్నిధానంలోని సాయి బాబా గుడిలో పూజా కార్యక్రమాలు నిర్వహించారు. ఈ సందర్బంగా టైటిల్ పోస్టర్ కూడా లాంచ్ చేసారు. అనంతరం హీరో హీరోయిన్లపై చిత్రీకరించిన ముహూర్తపు సన్నివేశానికి ప్రముఖ సీనియర్ దర్శకుడు ఎస్‌.వి. కృష్ణారెడ్డి గౌరవ దర్శకత్వం వహించగా, ప్రముఖ నిర్మాత అచ్చిరెడ్డి క్లాప్‌కొట్టారు. బిగ్‌బాస్‌ ఫేమ్‌ సొహైల్‌ కెమెరా స్విచ్ఛాన్‌ చేశారు.
