శ్రీకాళహస్తి: ఓ మహిళా సిఐకి కోపం వ‌చ్చింది.. సిఎం జగన్ దిష్టి బొమ్మ‌ను ద‌గ్డం చేస్తావా అంటూ జనసేన నాయ‌కుడి చెంప చెళ్లు మ‌నిపించింది.. న‌డిరోడ్డుపై ఆ నేత‌కు చెంప దెబ్బ‌లు రుచి చూపింది..వివ‌రాల‌లోకి వెళితే తిరుపతి జిల్లా శ్రీకాళహస్తిలో జనసేన కార్యకర్తల ఆందోళన ఉద్రిక్తతకు దారితీసింది. జనసేన అధినేత పవన్‌పై సీఎం జగన్ చేసిన వ్యాఖ్యలపై ఆ పార్టీ కార్యకర్తలు నిరసన కార్యక్రమం చేపట్టారు. దీనిలో భాగంగా పట్టణంలోని పెళ్లిమండం వద్ద సీఎం దిష్టిబొమ్మను దహనం చేసేందుకు జనసేన నేతలు యత్నించారు.
అయితే దిష్టిబొమ్మ దహనానికి అంగీకరించబోమని మహిళా సీఐ అంజు యాదవ్‌ వారికి తెలిపారు. ఆ తర్వాత దిష్టిబొమ్మ దహనానికి యత్నించడంతో పలువురు నేతలను పోలీసులు గృహనిర్బంధం చేశారు. జనసేన నేతలు పోలీసులను ఏమార్చి కూడలి వద్దకు చేరుకున్నారు. ఈ క్రమంలో జనసేన నేతలపై సీఐ చేయిచేసుకున్నారు. ఓ నేత రెండు చెంపలపైనా ఆమె కొట్టారు. ఆమె తీరుపై జనసేన కార్యకర్తలు తీవ్ర ఆగ్రహం వ్యక్తం చేస్తున్నారు. ఆమె వెంట‌నే క్ష‌మాప‌ణ చెప్పాల‌ని డిమాండ్ చేశారు.. న‌డిరోడ్డుపై త‌మ నేత‌పై చేయి చేసుకున్న సిఐని స‌స్సెండ్ చేయాల‌ని నినాదాలు చేశారు..