సంగారెడ్డిలో ఫ్రీడ‌మ్ ర‌న్‌…

మన భారతదేశ75 వ  స్వాతంత్ర  పక్షోత్సవాలను ఘనంగా జరుపుకోవాలని మాజీ ఎమ్మెల్యే చింత ప్రభాకర్ అన్నారు. పురపాలక సంఘం ఆధ్వర్యంలో ఏర్పాటు చేసిన ఫ్రీడం రన్ కార్యక్రమానికి ముఖ్య అతిథులుగా మాజీ ఎమ్మెల్యే చింత ప్రభాకర్ హాజ‌రై జెండా ఊపి ప్రారంభించారు. ఈ సందర్భంగా ఆయన మాట్లాడుతూ భారతదేశ స్వాతంత్ర్య మహనీయుల వలన మనకు స్వాతంత్ర్యం వచ్చింద‌ని, 75 సంవత్సరాలలో అడుగుపెట్టిన ఈ వజ్రోత్సవాలను ప్రతి ఒక్కరు స్వాగతించి తమ ఇళ్ల పైన జాతీయ జెండాలను కట్టుకోవాల‌ని సూచించారు. రాష్ట్ర ప్రభుత్వం ఇచ్చిన పిలుపు మేరకు ఆగస్టు 8వ తేదీ నుండి 22వ తేదీ వరకు వజ్రోత్సవ వేడుకలను ఘనంగా నిర్వహించడం జరుగుతుందన్నారు.