కుత్భుల్లాపూర్ క్రైమ్ (ప్రభ న్యూస్) : హైద‌రాబాద్‌లోని దుండిగల్ ఏరియాలో ఓ వ్యక్తి మనస్తాపంతో సూసైడ్ చేసుకున్నాడు. అనారోగ్యం కారణంగా ఆత్మహత్యకు పాల్ప‌డ్డ‌ట్టు తెలుస్తోంది. ఈ ఘటన దుండిగల్ పోలీస్ స్టేషన్ పరిధిలో జ‌రిగింది. ఒడిశా రాష్ట్రం జరడా గ్రామానికి చెందిన పి.లక్ష్మీ నారాయణ రెడ్డి (42) బ‌తుకుదేరువు కోసం హైదరాబాద్ వచ్చాడు. వెల్డింగ్ పనిచేస్తూ బౌరంపేట ఇందిరమ్మ కాలనీలో కుటుంబంతో స‌హా ఉంటున్నాడు. 3 నెలల క్రితం గుండెజబ్బు రావడంతో పుట్టపర్తి జిల్లా సత్యసాయి ఆసుపత్రిలో శస్త్ర చికిత్స చేయించారు. అప్పటినుండి మనాసికంగా ఇబ్బందికి గుర‌య్యాడు.
ఈ మ‌ధ్య వారి సొంత ఊరులో జాతర జరగడంతో కుటుంబ సభ్యులు వెళ్లగా, అనారోగ్యం కారణంగా అతను వెళ్ల‌లేక‌పోయాడు. దీంతోపాటు మనాసిక వ్య‌ధ‌కు గురైన ఆయన ఈ నెల 20న ఇంట్లో ఎవరూ లేని సమయంలో సీలింగ్ ఫ్యాన్ కు చున్నీతో ఉరేసుకుని ఆత్మహత్యకు పాల్పడ్డాడు. మృతుని తమ్ముడు జనార్దన్ కౌశిక్ దుండిగల్ పోలీస్ స్టేషన్ లో ఫిర్యాదు చేయడంతో కేసు నమోదు చేసుకొని దర్యాప్తు చేస్తున్న‌ట్టు పోలీసులు తెలిపారు.