కొత్తకోట మున్సిపాలిటీ పట్టణ కేంద్రంలో పోలీస్ అమరవీరుల వారోత్సవాలలో భాగంగా క్రికెట్ టోర్నమెంట్ ను ఏర్పాటు చేశారు. కొత్తకోట ఎంపీపీ గుంత మౌనిక మల్లేష్ ఆధ్వర్యంలో కనిమెట్ట గ్రామ యువకులకు సర్పంచ్ గాదం రాణి పరమేష్ ఈ ఏర్పాట్ల‌ను చేశారు. ఈ కార్యక్రమంలో ముఖ్య అతిథులుగా పాల్గొన్న వనపర్తి డీఎస్పీ కిరణ్ కుమార్ ను ఎంపీపీ శాలువాతో సన్మానించి ..పూలమొక్కను అందించారు. అనంతరం డీఎస్పీ ఆటల‌ను ప్రారంభించారు. ఈ సందర్భంగా ఆయన యువతను ఉద్దేశించి మాట్లాడుతూ ఎవరి ప్రలోభాలకు త‌లొంచ‌వ‌ద్ద‌ని తెలిపారు. కులమతాలకు అతీతంగా అందరూ సంతోషంగా క్రికెట్ టోర్నమెంట్ పూర్తిచేసుకొని కలిసి ఉండాలన్నారు. అలాగే ఈ టోర్నమెంట్ కు సహకరిస్తున్న ఆరోగ్య క్రికెట్ క్లబ్ నిర్వాహకులను అభినందిస్తూ డీఎస్పీ తన విద్యార్థి దశలో క్రికెట్ లో పాల్గొన సందర్భాలను గుర్తు చేసుకున్నారు.
ప్రపంచం మహమ్మారి కరోనా కారణంగా లాక్ డౌన్ సమయంలో పోలీస్ శాఖకు , ఆసుపత్రి సిబ్బందికి, మున్సిపల్ కార్మికులకు, 45 రోజులపాటు ఎంపీపీ గుంత మౌనిక మల్లేష్ అందించిన సేవలు మరిచిపోలేనివని అన్నారు. ఈ కార్యక్రమంలో కొత్తకోట సీఐ మల్లికార్జున్ రెడ్డి , ఎస్. ఐ నాగ శేఖర్ రెడ్డి ఎంపీపీ గుంత మౌనిక మల్లేష్ , కనుమెట్ట గ్రామ సర్పంచ్ గాదం రాణీ పరమేష్ , కొత్తకోట తెరాస పట్టణ అధ్యక్షులు బాబు రెడ్డి, వార్డు కౌన్సిలర్ , సంధ్య రవీందర్ రెడ్డి , సింగిల్ విండో డైరెక్టర్ బాలకృష్ణ రెడ్డి, కో ఆప్షన్ సభ్యులు వసీం ఖాన్ యువకులు తదితరులు పాల్గొన్నారు.