సీఎం కేసీఆర్ జాతీయ పార్టీ ప్రకటించనున్న నేపథ్యంలో జాతీయ రాజకీయాల్లో సమీకరణలు మారుతున్నాయి. కేంద్రంలోని బీజేపీని పడగొట్టేందుకు మెయిన్ ఫ్రంట్ వ్యూహాలు రచిస్తోంది. ఇప్పటికే బిహార్ సీఎం నితీశ్కుమార్తో పాటు పలువురు లీడర్లతో సీఎం కేసీఆర్ భేటీ అయ్యారు. ఈ క్రమంలో నిన్న కర్నాటక మాజీ సీఎం కుమారస్వామి కూడా తెలంగాణకు వచ్చి సీఎం కేసీఆర్తో జాతీయ రాజకీయాలు, కేంద్రంలోని బీజేపీ ప్రభుత్వం వ్యవహరిస్తున్న తీరుపై కూలంకశంగా చర్చించారు. ఆ తదుపరి సీఎం కేసీఆర్ నాయకత్వం దేశానికి ఎంతో అవసరమని ప్రకటించారు.
కాగా, ఇప్పుడు ‘‘యూపీ ప్లస్ బీహార్ గయీ మోదీ’’ నినాదం ఉత్తరాది రాష్ట్రాల్లో పెద్ద ఎత్తున సాగుతోంది. ఈ నినాదం బీహార్, ఉత్తరప్రదేశ్ రాష్ట్రాల్లో సంచలనంగా మారింది. ఇక.. ములాయం, అఖిలేష్తో నితీశ్కుమార్ టచ్లో ఉన్నట్టు తేజస్వీ ఇవ్వాల చేసిన ప్రకటన ఇంకాస్త హీట్ని పెంచింది. కేంద్రంలో బీజేపీని పడగొట్టేందుకు మెయిన్ ఫ్రంట్ కొత్త వ్యూహం పన్నుతున్నట్టు స్పష్టమవుతోంది.