పావురాలు ప్రేమ సందేశాలను కాదు టెర్రరిస్టుల సందేశాలను దేశ సరిహద్దులు దాటి మోసుకొస్తున్నాయి. ఇటీవల ఇండియన్ ఆర్మీకి పావురాలతో కొత్త చిక్కు వచ్చి పడింది. ఏదీ సాధారణ పావురమో, ఏదీ టెర్రరిస్టుల ట్రెయిన్డ్ పావురమో తెలియడం లేదు. తాజాగా మరో టెర్రరిస్టు పావురం పంజాబ్ సరిహద్దులో పోలీసులకు చిక్కింది. పంజాబ్ రాష్ట్రంలో పాక్ సరిహద్దులో రోరన్వాలా చెక్పోస్టు దగ్గర విధుల్లో ఉన్న ఓ కానిస్టేబుల్ భుజంపై ఓ పావురం అకస్మాత్తుగా వచ్చి వాలింది. దాన్ని పరిశీలిస్తే పావురం కాలికి గమ్తో అంటించిన లెటర్ ఉంది. అందులో ఓ అంకే రాసి ఉంది. వెంటనే అనుమానించిన కానిస్టేబుల్ ఉన్నతాధికారులకు సమాచారం అందించారు.
ఇది తప్పకుండా పాకిస్తాన్లో ఉన్న టెర్రరిస్టుల చేసిన పనే అని భద్రతా దళాలు అనుమానిస్తున్నాయి. పావురం కాలికి ఉన్న కాగితంలో టెర్రరిస్టులకు సంబంధించిన సీక్రెట్ కోడ్ ఏంటో డీ కోడ్ చేసే పనిలో ఉన్నాయి భద్రతా దళాలు. చివరకు ఏప్రిల్ 17న కహగర్ పోలీస్ స్టేషన్లో పావురంపై ఎఫ్ఐఆర్ నమోదు చేశారు పోలీసులు. గతేడాది మే 20న కశ్మీర్ సరిహద్దులో సీక్రెట్ కోడ్ చేరవేస్తున్న పావురాన్ని పట్టుకున్నారు పోలీసులు. పురాతన రోజుల నుంచి పావురాలను రహస్య సమాచారం పంపే సాధనాలుగా ఉపయోగించే వారు. ఫోన్‌ల ట్యాపింగ్ పెరిగిపోవడంతో టెర్రరిస్టులు పాతకాలం పద్దతులను ఎంచుకుంటున్నారు.