Breaking: కూకట్‌పల్లి నాలా నుంచి కొట్టుకొచ్చిన డెడ్ బాడీ.. మెద‌క్ జిల్లా వాసిగా గుర్తింపు

హైద‌రాబాద్‌లోని ట్యాంక్ బండ్ వద్ద చిల్డ్రన్ పార్క్ లోకి ఓ డెడ్ బాడీ కొట్టుకురావడంతో కలకలం మొదలైంది. స్థానికులు సమాచారం అందించడంతో పోలీసులు ఘటనాస్థలానికి వచ్చి విచారణ జరిపారు. కూకట్‌పల్లి నాలా నుంచి ఈ డెడ్‌బాడీ కొట్టుకొచ్చినట్లుగా ప్రాథ‌మిక అంచ‌నాకు వ‌చ్చారు పోలీసులు.. కాగా, మృతదేహం చిత్యంరెడ్డి అనే మెదక్ జిల్లా వాసిగా గుర్తించారు. రెస్క్యూ టీమ్ & అమీర్‌పేట్ పోలీసుల సహకారంతో మంగళవారం సాయంత్రం సమయంలో మృతదేహాన్ని వెలికితీశారు. మృతుని జేబులో లభించిన ఆధార్ కార్డు ఆధారంగా కుటుంబ సభ్యులకు సమాచారం అందించారు. అనుమానాస్పద మృతిగా కేసు నమోదు చేసిన‌ గోపాల్‌పేట్ పోలీసులు దీనిపై మ‌రింత ద‌ర్యాప్తు చేస్తున్న‌ట్టు వెల్ల‌డించారు.