శ్వేత‌జాతీయుల మైనారిటీ పాల‌న‌కు వ్య‌తిరేకంగా దక్షిణాఫ్రికా పోరాటంలో అనుభ‌వ‌జ్ఞుడు, ఆర్చ్ బిషప్ డెస్మండ్ టుటు, నోబెల్ శాంతి గ్ర‌హీత మ‌ర‌ణించిన‌ట్లు ప్రెసిడెన్సీ తెలిపింది. ఆయ‌న వ‌య‌సు 90సంవ‌త్స‌రాలు.1984లో వర్ణవివక్షను అహింసాయుతంగా వ్యతిరేకించినందుకు టుటు నోబెల్ శాంతి బహుమతిని అందుకున్నారు. ఆ చీకటి రోజులలో జరిగిన దురాగతాలను వెలికితీసేందుకు ఏర్పాటు చేసిన ట్రూత్ అండ్ రీకన్సిలియేషన్ కమిషన్‌కు అధ్యక్షత వహించాడు. టుటుకు 1990ల చివరలో ప్రోస్టేట్ క్యాన్సర్ ఉన్నట్లు నిర్ధారణ అయింది.ఇటీవలి కాలంలో ఆయ‌న తన క్యాన్సర్ చికిత్సకు సంబంధించి, ఇన్ఫెక్షన్‌లకు చికిత్స చేయడానికి ప‌లుమార్లు ఆసుపత్రిలో చేరాడు. ఆర్చ్ బిషప్ ఎమెరిటస్ డెస్మండ్ టుటు మరణంతో ద‌క్షిణాఫ్రికాలో విషాద‌ఛాయ‌లు అల‌ముకున్నాయి. ఆయ‌నలేని లోటు తీర్చ‌లేనిద‌ని దేశ అధ్య‌క్షుడు సిరిల్ రామఫోసా తెలిపారు.దక్షిణాఫ్రికా కోసం తన పోరాటంలో ఎన్నడూ వెనుకంజ వేయలేదని తెలిపారు. ఆయ‌న మృతికి సంతాపాన్ని వ్య‌క్తం చేశారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..