థామస్‌ కప్‌ టోర్నీలో భారత్‌ శుభారంభం చేసింది. పురుషుల సింగిల్స్‌ బ్యాడ్మింటన్‌ క్రీడాకారుడు లక్ష్యసేన్‌ ప్రత్యర్థిని మట్టికరిపించాడు. వరల్డ్‌ ఛాంపియన్‌షిప్‌లో బ్రాంజ్‌ మెడల్‌ గెలిచిన లక్ష్యసేన్‌.. వరల్డ్‌ నెంబర్‌ 64 ఆటగాడు మ్యాక్స్‌ను 21-16, 21-13 పాయింట్ల తేడాతో రెండు వరుస సెట్స్‌లో విజయం సాధించాడు. పురుషుల డబుల్స్‌లో సాత్విక్‌ రాంకీరెడ్డి, చిరాగ్‌ శెట్టి జోడీ.. జోన్స్‌, మార్విన్‌ ద్వయాన్ని 21-15, 10-21, 21-13 పాయింట్ల తేడాతో విజయం సాధించింది.
వరల్డ్‌ 11వ నెంబర్‌ ఆటగాడు కిదాంబి శ్రీకాంత్‌.. కై చాఫర్‌పై 18-21, 21-9, 21-11 పాయింట్ల తేడాతో గెలుపొందాడు. అదేవిధంగా అర్జున్‌, ధ్రువ్‌ కపిల జోడీ.. గెయిస్స్‌, కొలిన్‌ ద్వయాన్ని 25-23, 21-15 పాయింట్ల తేడాతో రెండు వరుస సెట్స్‌లో గెలుపొందింది. హెచ్‌ఎస్‌ ప్రణయ్‌ 21-9, 21-9 పాయింట్ల తేడాతో మాథియాస్‌ను మట్టికరిపించాడు. ఈ టోర్నీలో భారతీయ క్రీడాకారులు అద్భుతమైన శుభారంభాన్ని అందుకున్నారు.