హైద‌రాబాద్: టొయోటా కిర్లోస్కర్ మోటర్ ఇన్నోవా క్రిస్టా శ్రేణిలో కొత్త గ్రేడ్, జీఎక్స్ ప్ల‌స్ ని పరిచయం చేస్తున్నట్లు ప్రకటించింది. కస్టమర్ సెంట్రిసిటీపై కంపెనీ దృష్టితో ప్రేరణ పొందిన, ఈ కొత్త గ్రేడ్ మెరుగైన ఫీచర్లను కలిగి ఉంది. తద్వారా కస్టమర్ ప్రాధాన్యతలకు అనుగుణంగా అత్యుత్తమతను అందించడంలో టికెఎం నిబద్ధతను ప్రతిబింబిస్తుంది. ఇన్నోవా క్రిస్టా శ్రేణిని పునరుజ్జీవింపజేస్తూ, కొత్తగా ప్రవేశపెట్టిన ఇన్నోవా క్రిస్టా జీఎక్స్ ప్ల‌స్ గ్రేడ్ 14 అదనపు ఫీచర్లను కలిగి వుంది.
ఈసంద‌ర్భంగా టొయోటా కిర్లోస్కర్ మోటర్, సేల్స్-సర్వీస్-యూజ్డ్ కార్ బిజినెస్ వైస్ ప్రెసిడెంట్ శబరి మనోహర్ మాట్లాడుతూ… 2005లో ఇన్నోవా బ్రాండ్ విడుదల అయినప్పటి నుండి పరిశ్రమలో బెంచ్‌మార్క్‌లను సెట్ చేయడం ద్వారా సెగ్మెంట్ లీడర్‌గా తిరుగులేని ఖ్యాతిని పొందిందన్నారు. నాణ్యత, నమ్మకానికి పర్యాయపదంగా, ఇన్నోవా తరతరాలుగా భారతీయుల విభిన్న మొబిలిటీ అవసరాలను తీర్చిందన్నారు. ఇప్పటికీ అదే ఆకాంక్ష, విలువను కలిగి ఉందన్నారు. త‌మ కస్టమర్-సెంట్రిక్ విధానానికి అనుగుణంగా, అభివృద్ధి చెందుతున్న కస్టమర్ ట్రెండ్‌ల ఆధారంగా బ్రాండ్‌ను సంబంధితంగా, విభిన్న పనితీరు అవసరాలకు అనుగుణంగా ఉంచడమే టీకెఎంలో త‌మ ప్రయత్నమ‌న్నారు.