ఐపీఎల్ 16వ సీజ‌న్‌ 25వ మ్యాచ్‌లో ఇవ్వాల (మంగళవారం) సన్ రైజర్స్ హైదరాబాద్, ముంబై ఇండియ‌న్స్ తలపడనున్నాయి. హైదరాబాద్లోని ఉప్పల్ స్టేడియంలో జరిగే ఈ మ్యాచ్పై రెండు జట్లు కన్నేశాయి. కాగా, టాస్ గెలిచిన సన్ రైజర్స్ హైదరాబాద్ జట్టు ఫీల్డింగ్ ఎంచుకుంది.. దీంతో ముంబై ఫస్ట్ బ్యాటింగ్కు దిగనుంది.
ఇక.. ఈ రెండు టీమ్‌లు ఓట‌మితో టోర్నమెంట్‌ను ఆరంభించాయి. ఆ త‌ర్వాత కాస్త వేగం పెంచి, వరుస‌గా రెండు విజ‌యాలు సాధించాయి. ఇవ్వాల జరిగే మ్యాచ్తో ఇరుజ‌ట్లు మూడో విజ‌యంపై కన్నేశాయి. ఇక.. సొంత గ్రౌండ్‌లో పంజాబ్ కింగ్స్‌ను చిత్తు చేసిన మ‌ర‌క్రం సేన ముంబైని ఓ ప‌ట్టు ప‌ట్టేందుకు రెడీ అయ్యింది. గ‌త మ్యాచ్‌లో కోల్‌క‌తాకు షాకిచ్చిన ముంబై అదే జోరు కొన‌సాగించాల‌ని అనుకుంటోంది. ఇట్లా.. ఎవ‌రి గేమ్ ప్లాన్ వారికుండగా.. ఒకరిపై ఒకరు పైచేయి సాధించాలనే ఆశతో బరిలోకి దిగనున్నారు. ప‌రుగుల వ‌ర‌ద పారే ఈ స్టేడియంలో విజేతగా నిలిచేది ఎవ‌రో మ‌రికొన్ని గంట‌ల్లో తేలనుంది.
