న్యూయార్క్: ముద్దులొలుకుతున్న ఈ బుల్లి పిల్లి.. ఇప్పుడు ఇన్ స్టా గ్రామ్ లో ఓ పెద్ద సంచలనం. పుస్ ఇన్ బూట్స్ చిత్రంలో స్పానిష్ భాష మాట్లాడే ఓ పిల్లి పాత్ర ఓ హిట్. అందులోని పిల్లికి ఉన్నట్లే ఈ నిజం మార్జాలానికి నల్లని గుండ్రటి పెద్దపెద్ద కళ్లుండటం ఇప్పుడు సంచలనానికి కారణమైంది. న్యూయార్క్ కు చెందిన ఓ పెంపుడు పిల్లి ఇది.
చూడముచ్చటగా పచ్చటి, కాషాయ,తెలుపురంగుల, ఒత్తయిన బొచ్చుతో చూడముచ్చటగా ఉన్న ఈ పిల్లి చిత్రాలను ఆమె యజమాని ఇన్ స్టాలో పోస్ట్ చేశారు. అంతే అదో సంచలనమైపోయింది. కొద్ది గంటల్లోోనే 6 లక్షలమంది చూసి ఫిదా అయిపోయారు. ఈ స్పందన చూసి ఉబ్బి తబ్బిబ్బయిన యజమానికి తన ముద్దుల మార్జాలం గురించి చెప్పుకొచ్చారు. అది బాగా సిగ్గరి అని, ఎవరైనా తాకేందుకు ప్రయత్నిస్తే ఇష్టపడదని, అయితే ఒకసారి దగ్గరకు చేరితే అదిగాని, మనం కానీ వదలబుద్ది కాదని తెగ సంబరపడిపోయారు.