మేం పెళ్లి చేసుకోబోతున్నాం.. వీడియో రిలీజ్ చేసిన నరేష్.. ప‌విత్రా లోకేష్

కొత్త సంవ‌త్స‌రం..కొత్త ప్ర‌యాణం అంటూ న‌టులు ప‌విత్ర లోకేష్..సీనియ‌ర్ న‌టుడు న‌రేష్ త‌మ పెళ్లిపై క్లారిటీ ఇవ్వ‌డం విశేషం. త్వరలోనే తామిద్దరం పెళ్లిచేసుకోబోతున్నట్లు అధికారికంగా ప్రకటించారు. ఈ మేరకు నటుడు నరేష్ తన ట్విట్టర్ ద్వారా అభిమానులకు నూతన సంవత్సర శుభాకాంక్షలు చెబుతూ తమ ప్రపంచంలోకి ఆహ్వానిస్తూ ప్రత్యేక వీడియో విడుదల చేశారు. ఆ వీడియోలో పవిత్రతో కలిసి కేక్ కట్​ చేస్తూ… త్వరలోనే పవిత్రను తాను పెళ్లిచేసుకోబోతున్నట్లు నరేష్ ప్రకటించాడు. కొన్ని రోజుల నుంచి వీరిద్దరు కలిసి ఉండటం చిత్ర పరిశ్రమలోనూ, సామాజిక మాద్యమాల్లోనూ తీవ్ర విమర్శలు వెల్లువెత్తాయి. నరేష రెండో భార్య రమ్య కూడా వీరి బంధంపై తీవ్ర ఆరోపణలు చేసింది. ఈ నేపథ్యంలో ఈ ఏడాదికి ముగింపు పలుకుతూ తామిద్దరం వివాహం చేసుకోబోతున్నట్లు పవిత్ర నరేష్ యాష్ ట్యాగ్ పేరుతో వీడియో విడుదల చేయడం మరోసారి చర్చనీయాంశమైంది. ఈ వీడియోలో వీరిద్ద‌రు ఒకరినొక‌రు ముద్దుపెట్టుకోవ‌టం హైలెట్.