అన్నమయ్య కీర్తనలు : వచ్చెను అలమేలు మంగ

రాగం : హిందోళం

వచ్చెను అలమేలు మంగ ఈ
పచ్చల కడియాల పణతి చెలంగ || ||వచ్చెను అలమేలు మంగ||

బంగారు చేదివిటీలు పూఇ
శృంగారవతులు వేవేలు రాగా
రంగైన వింజామరలు నీవ
మాంగల్యలీల సొంపగు జవరాలు || ||వచ్చెను అలమేలు మంగ||

పలుకుల తేనియు లొలుక చెంత
చిలుకలు కలకల పలక రవల
గిలుకు పావలు ముద్దుగులుక మేటి
కలికి చూపుల మొనలు తళుకని చిలుక || ||వచ్చెను అలమేలు మంగ||

రంభాది సతులెల్ల చేరి ఎదుట
గంభీర గతులను మీర నటనా
రంభములను మేలుకోరి కొలువ
అంభోజాక్షుడౌ వేంకటేశు నొయ్యారి || ||వచ్చెను అలమేలు మంగ||