ఆకాశమే నీ హద్దురా సినిమాతో సూపర్ డూపర్ హిట్ ని అందుకున్నాడు తమిళ స్టార్ హీరో సూర్య. ప్రస్తుతం సూర్య వరుస సినిమాలను లైన్ లో పెట్టాడు. వాటిలో జై భీమ్ సినిమా ఒకటి. ఇక ఈ సినిమాలో సూర్య ఓ లాయర్ పాత్రలో కనిపించబోతున్నాడు. కొన్ని నిజ సంఘటనల ఆధారంగా ఈ సినిమా రాసినట్లుగా తెలుస్తోంది. 1993లో తమిళనాడులో గిరిజన యువతి కోసం సీనియర్ అడ్వకేట్ చంద్రు న్యాయపోరాటం చేశారు.
యువతి కోసం పోరాటం చేసిన అడ్వకేట్ చంద్రు దేశ వ్యాప్తంగా అప్పట్లో చర్చనీయాంశంగా మారాడు. ఆ సమయంలో మీడియా లో ప్రధానంగా చంద్రు గురించి వార్తలు వచ్చాయి. ఇక ఆ పోరాటంను కాస్త ఇప్పుడు కమర్షియల్ హంగులతో ఈ సినిమాను తెరకెక్కించినట్లు తెలుస్తోంది.