ప్రముఖ నటి సమంత ఇవాళ తన 37వ పుట్టినరోజు జరుపుకుంటున్నారు. ఈ సందర్భంగా ఆమె సూపర్ అప్ డేట్ ఇచ్చారు. ట్రలాలా మూవింగ్ పిక్చర్స్ పేరిట సొంత బ్యానర్ స్థాపించిన సమంత… మా ఇంటి బంగారం పేరిట చిత్రాన్ని రూపొందిస్తున్నారు. నేడు ఈ సినిమా ఫస్ట్ లుక్ పోస్టర్ ను సమంత ఇన్ స్టాగ్రామ్ లో పంచుకున్నారు.
చీరకట్టులో ఉన్న సమంత డబుల్ బ్యారెల్ గన్ పట్టుకుని ఉండడం ఈ పోస్టర్ లో చూడొచ్చు. మెడలో మంగళసూత్రం కూడా ఉంది. సమంత నిర్మాతగా తెలుగులో వస్తున్న తొలి చిత్రం ఇదే. త్వరలోనే ఇతర తారాగణం వివరాలు ప్రకటించనున్నారు. మా ఇంటి బంగారం చిత్రం 2025లో ప్రేక్షకుల ముందుకు వచ్చే అవకాశాలున్నాయి.