గతేడాది భీష్మ సినిమాతో మంచి హిట్ ను అందుకున్నాడు యంగ్ హీరో నితిన్. కాగా ఇటీవల రిలీజ్ అయిన చెక్ సినిమాతో మాత్రం డీలా పడ్డాడు. ప్రస్తుతం రంగ్ దే సినిమా చేస్తున్నాడు. వెంకీ అట్లూరి దర్శకత్వంలో తెరకెక్కుతున్న ఈ చిత్రంపైనే ఆశలన్నీ పెట్టుకున్నాడు. ఈ సినిమాలో నితిన్ సరసన మహానటి కీర్తి ఫేమ్ సురేష్ నటిస్తోంది. సితార ఎంటర్టైన్ మెంట్ బ్యానర్ పై సూర్యదేవర నాగ వంశీ ఈ సినిమాను నిర్మిస్తున్నారు. కాగా ఇప్పటికే ఈ సినిమాకు సంబంధించి విడుదలైన టీజర్, పాటలు సినిమా పై అంచనాలు పెంచాయి.
మరోవైపు ఈ సినిమా ప్రీ రిలీజ్ బిజినెస్ కూడా బాగా జరిగిందట. రెండు తెలుగు రాష్ట్రాలలో కలిపి 36 కోట్ల వరకు బిజినెస్ చేయగా విదేశీ హక్కులు కూడా పూర్తయిందని తెలుస్తోంది. ఇక ఈ సినిమాతో నితిన్ హిట్ కొట్టలేపోతే మాత్రం నితిన్ కెరీర్ లో ఇబ్బంది పడాల్సి వస్తుంది.