హీరోయిన్ హన్సిక గురించి ప్రత్యేకంగా పరిచయం చేయనవసరం లేదు. ఒక్క తెలుగులోనే కాకుండా తమిళ్ లో కూడా ఎన్నో సినిమాల్లో నటించింది హన్సిక. అయితే ప్రస్తుతం హన్సిక తన 50వ చిత్రం మహా లో నటిస్తుంది. రెండు సంవత్సరాలుగా ఈ సినిమా షూటింగ్ జరుగుతోంది. ఈ చిత్రానికి యు ఆర్ జమీల్ దర్శకుడిగా పరిచయం కాబోతున్నారు. అయితే ఈ సినిమా కథను కూడా ఆయనే రాశారు. అయితే ఈ సినిమా థియేటర్స్ లో రిలీజ్ చేస్తామా ఓటీటీ లో రిలీజ్ చేస్తామా అనే దానిపై చర్చలు జరుగుతున్నాయని చెబుతున్నారు.
అయితే ఈ సినిమాకు సంబంధించిన టీజర్ ను ముందుగా విడుదల చేయాలని దర్శక నిర్మాతలు నిర్ణయించుకున్నారు. టీజర్ జూలై 2 న సాయంత్రం 6 గంటలకు విడుదల చేయబోతున్నట్లు ప్రకటించారు. ఇక ఈ సినిమాలో సనమ్ శెట్టి, తంబి రామయ్య, కరుణాకరణ్, శంకర్ కీలక పాత్రల్లో నటించారు. అలాగే ఈ చిత్రానికి జిబ్రాన్ సంగీతం అందించారు.