మెగాస్టార్ చిరంజీవి కొరటాల శివ దర్శకత్వంలో ప్రస్తుతం ఆచార్య సినిమా చేస్తున్న సంగతి తెలిసిందే. ఈ సినిమా తర్వాత మలయాళ సూపర్ హిట్ మూవీ… లూసిఫర్, వేదాళం రీమేక్ లో నటించబోతున్నాడు. అయితే లూసిఫర్ విషయానికి వస్తే ఈ సినిమా అనౌన్స్ చేసినప్పటి నుంచి కూడా ఏదో ఒక చిక్కు వచ్చి పడుతూనే ఉంది. మొదట ఈ సినిమాకు సంబంధించి దర్శకుని విషయంలో గందరగోళం ఏర్పడగా సుజిత్, వివి వినాయక్ వంటి దర్శకులు లైన్ లోకి వచ్చారు.
ఫైనల్ గా మోహన్ రాజాకు ఆ బాధ్యతను మెగాస్టార్ అప్పగించారు. అయితే ఇప్పుడు మళ్లీ ఈ సినిమాకు సంబంధించి పరిస్థితులు మొదటికి వచ్చాయని గుసగుసలు వినిపిస్తున్నాయి. కొన్ని కారణాల వల్ల మోహన్ రాజా ఈ సినిమా నుంచి తప్పుకున్నట్లు గా తెలుస్తోంది. అయితే కారణం ఏంటి అనేది మాత్రం తెలియరాలేదు. ఇప్పుడు దర్శకుడిని వెతికే పనిలో యూనిట్ సభ్యులు ఉన్నారట. మరి ఇందులో ఎంతవరకు నిజం ఉందో తెలియాలంటే చిత్రయూనిట్ అధికారికంగా స్పందించాల్సిందే.